“Prije nego što Žene Bara odu na zasluženi ljetnji odmor, želimo da uradimo ono što nam je najvažnije – da pripremimo i podijelimo pakete pomoći za oko 100 porodica koje od nas očekuju podršku. Nažalost, naše zalihe su gotovo iscrpljene i bez pomoći dobrih ljudi to nećemo moći ostvariti”, ukazuju iz ove NVO i pozivaju sve koji su u mogućnosti da doniraju osnovne životne namirnice: brašno, ulje, pirinač, tjesteninu, pasulj, šećer, so, konzerve, dječju hranu, higijenske proizvode…

“Svaka donacija, ma koliko bila mala, nekome znači mnogo. Godinama zajedno pokazujemo da humanost živi u našem gradu. Uradili smo zajedno i ono što se činilo nemogućim. Vjerujemo da ćemo i ovoga puta, udruženim snagama, uspjeti da nijedna od ovih porodica ne ostane bez pomoći. Od srca hvala svima koji su uz Narodnu kuhinju i Žene Bara. Dobrim Vam se vraćalo”, navodi se u objavi ove humanitarne organizacije.

The post Žene Bara apeluju za pomoć osobama u stanju socijalne potrebe first appeared on BARinfo.

Kako su Radio Bar i Bar Info u februaru izvještavali, akciju je, na inicijativu Željka Ćurčina, kome je prošle godine u Bjelorusiji uspješno izvršena transplantacija bubrega, pokrenuo osvjedočeni humanitarac Božidar Nikolić Čarli. Željku je tokom njegove teške, iscrpljujuće borbe za zdravlje, upravo Slađana bila najveća podrška i prijatelj.

“Slađana je jedna od ljudi koji u ogromnim iskušenjima ćute, tiho mole za pomoć, a ta pomoć nikako da stigne. Ona od sedam dana živi četiri, a tri povodi na dijalizi. I tako godinama. Ni putovanja, ni planova, ni radnog vremena… Bolovati i znati da tvoje zdravlje košta, a ti to ne možeš platiti, užasno je”, napisale su u emotivnoj objavi “Žene Bara”.

Podsjetile su da je od 120.000 eura potrebnih za Slađanino liječenje i transplantaciju bubrega, do sada je sakupljeno 3.600 eura.

Pomoć se može uplatiti na žiro-račun kod Erste banke broj 540-32176448-60 ili na račun “Žena Bara” 565-3443-40, sa naznakom za Slađanu. IBAN: ME25540000003217644860. Račun je otvoren i za uplate u dolarima: IBAN: ME25540000007701459481.

The post Apel za pomoć za Slađanino liječenje first appeared on BARinfo.