Uz motoriste, za kupovinu poklona, odazvale su se brojne kompanije i građani.

Baranin Igor Talić četiri godine učestvuje u ovoj akciji. Kako je kazao za Radio Bar i Bar Info, radost je obostrana, jer ih djeca sa nestrpljenjem čekaju.

“Dječiji osmijesi se ne mogu uporediti ni sa čim. Taj izraz lica kada nas vide na motoru sa poklonima je neopisiv, mislim da im mnogo znači. Iako smo prešli dugačak put po ovom hladnom vremenu, isplatilo se”, iskren je Talić.

Marko Radulović, predsjednik NVO “No limit bikers” istakao je da je zahvalan svim bajkerima koji su se odazvali u velikom broju.

Prema riječima Milanke Joković iz Dječijeg doma “Mladost” zadovoljni su današnjom akcijom.

“Bajkeri su prvi koji su započeli ovu akciju i djeca im se uvijek rado obraduju. Nažalost, ovo vrijeme korone je takvo da ne mogu baš da im pruže ono zadovoljstvo kakvo bi djeca zbilja voljela da imaju. Oni se uvijek dogovore, nazovu Upravu i pitaju šta nam je najneophodnije”, kazala je Joković.

Domaćin je bio moto klub “Kruzer” koji je svim bajkerima obezbijedio ručak.

Moto Djeda Mrazovi su danas bili i u Tivtu, gdje su novogodišnjim paketićima obradovali mališane u Dnevnom centru za djecu i mlade sa smetnjama i teškoćama u razvoju.

The post Moto Djeda Mrazovi otvorili sezonu novogodišnjih darivanja first appeared on BARinfo.