Incident se dogodio 7. oktobra prošle godine u dvorištu Gimnazije „Niko Rolović“ u Baru, kada je A. K. nožem povrijedio Darisa Mujića, tako da je dva puta reanimiran i sedmicama bio na intenzivnoj njezi u KCCG. A.K. je uhapšen, a Više državno tužilaštvo je djelo kvalifikovalo kao pokušaj ubistva.

Maloljetniku L.D. koji je učestvovao u tuči izrečena je vaspitna mjera, četiri mjeseca društveno korisnog rada.

“U skladu sa važećim zakonskim propisima, obavještavamo javnost da je krivični postupak koji se vodi protiv maloljetnih lica tajan, u cilju zaštite interesa maloljetnika i poštovanja njihovih zakonskih prava. Shodno tome, neće biti moguće davati dodatne informacije niti komentare u vezi sa ovim postupkom. Molimo predstavnike medija i javnost za razumijevanje i poštovanje pravila koja se odnose na povjerljivost ovakvih postupaka”, objavljeno je danas na sajtu Višeg suda.

The post Maloljetniku sedam mjeseci zatvora za pokušaj ubistva Darisa Mujića u Baru first appeared on BARinfo.