Vatra na Golom brdu iznad Sutomora i dalje gori, a dim sa požarišta se vidi i iz Bara.
Kako navode mještani, Baranima pomažu vatrogasci iz Petrovca i privatnici sa cisternama. Gašenje otežava nepristupačan teren, ali kuće zasad nisu ugrožene.
Šumski požar je izbio negdje oko 18 sati. Po navodima Sutomorana, planulo je na nekih 50 metara od ulaza na plažu kroz tunel, uz tzv. Staru džadu.
“Velika je površina zahvaćena vatrom. U pitanju je šumski požar, i pokušavamo da ga ‘stignemo’. Vatru gase pripadnici Službe zaštite i spašavanja sa četiri vozila sa posadama”, rekao je ranije za naše medije Aco Vulević, komandir Službe zaštite.
