Bračnom paru Jahović, Mirsadu i Ireni, koji su rođeni u Baru, dodijeljena je u Bosni i Hercegovini nagrada “Džek popularnosti”. Dodjeljuje se istaknutim ličnostima u više kategorija.
Jahovići su dobili dva priznanja – Mirsad za humanitarni rad u dijaspori, a Irena priznanje za najpopularniju estradnu umjetnicu.
Irena, pored estradne karijere, pomaže suprugu u Udruženju “Unija Crne Gore USA”, koje humanitane projekte sprovodi u Srbiji, BiH i Crnoj Gori.
Ovo udruženje je pomoglo mnogima, a kako ističu, ne rade zbog nagrada, već iz želje da pomognu drugima. Ipak, kažu, nagrada ih je obradovala, jer je dokaz da ljudi u BiH vrednuju trud i rad koji su pružili.
