Međunarodno udruženje književnih stvaralaca i umjetnika “Nekazano” održalo je u SEUŠ promociju 14. istoimenog časopisa za kulturu i umjetnost.

Labud N. Lončar, urednik izdanja i predsjednik udruženja Nekazano, istakao je da su ovim brojem časopisa “zaokružili godišnji ciklus kojim veličaju pisanu riječ i evociraju uspomene na preminule prijatelje i umjetnike”. Slikar Vladimir Vlado Iličković, čija su platna bila izložena, a koji je uradio korice knjige, istakao je značaj masline kao nepresušnog izvora stvaralaštva.

Ovaj broj časopisa posvećen je dr Blagoju Vujisiću, čija je porodica prisustvovala večeri.

Nagrada Udruženja “Nekazano” koje nosi ime pjesnika Božidara Fića Filipovića dodijljena je mladoj pjesnikinji iz Bara Enesi Sukić, kojoj je ova izudavačka kuća objavila knjigu “Moje drugo ja”.

Veče je završeno nastupima pjesnika zastupljenih u časopisu. Moderatorke su bile Anika Vuletić i Ana Ivančević.