Služba zaštite i spašavanja jutros je u 04:59 sati primila poziv da je na krovu zgrade u Makedonskoj ulici izbio požar.

„Na licu mjesta zatekli smo požar u razbuktaloj fazi, koji je zahvatio prostoriju u potkrovlju zgrade. Požar je ugašen u okviru prostorije u kojoj je i nastao, čime je spriječeno širenje vatre na ostale stanove“, saopštio je za Radio Bar i Bar Info komandir Službe zaštite i spašavanja, Aco Vulević.

U gašenju su učestvovala tri vatrogasna vozila sa posadama.