Pripadnici Službe zaštite i spašavanja od ranih jutarnjih sati angažovani su na gašenju požara koji je izbio na Golom brdu.

Dojava o požaru Službi zaštite i spašavanja stigla je u 6 sati i 3 minuta, nakon čega su na lice mjesta upućena tri vatrogasna vozila sa 12 pripadnika službe. Ekipe su odmah pristupile gašenju, požar je nakon sat vremena lokalizovan,  a situacija se kontinuirano prati.

Istovremeno, dežurne vatrogasne ekipe danonoćno kontrolišu požarišta u rejonu Mikulići–Lunje–Ćafe.

“Zbog visokih temperatura i vjetra,  oprez je i dalje neophodan, pa se stanje na terenu kontinuirano prati kako bi se spriječilo eventualno širenje vatre”, saopštio je za Radio Bar i Bar Info Aco Vulević, komandir Službe zaštite i spašavanja.