Međunarodno udruženje književnih stvaralaca i umjetnika “Nekazano”, u saradnji sa Galerijom “Velimir A. Leković” održalo je književno veče “Stop nasilju nad ženama”.

Veče je održano peti put prijedlog Međunarodne asocijacije “Stop nasilju nad ženama”. Svoj doprinos ovoj večeri dali su pjesnici i pjesnikinje Tatjana V. Maras, Nataša Lečić, Maja Nikolić, Vinka Marstijepović Lerinc, Vladimir Cerović, Aleksandar Jovanović, Stevan Stijović i Labud N. Lončar, koji je i bio moderator večeri.

“Kao i uvijek, ‘Nekazano’ će biti pjesmom i pisanom riječju protiv nasilja. Nasilja nad ženama, kao i nasilju nad ljudima koje je sve prisutnije u posljednje vrijeme. Stop nasilju prema bilo kome, neka bude poruka sa ove lijepe poetske večeri” – zaključio je Lončar, ispred Udruženja “Nekazano”.

Iz ovog Udruženja su istakli kako su, zajedno sa štamparijom ‘Naisprint’ iz Niša upravo objavili knjigu poezije ‘Aleja snova’ književnika iz ovog grada Miroslava Miša Bakrača. Recenziju knjige poezije pisali su prof. Mirjana Svetozarević i Labud N. Lončar.