Na VII međunarodnom turniru u govornom pikadu koji je održan 11. juna u Kopru, pikado ekipa Sportsko rekreativnog društva OSI „Bar“ osvojila je drugo mjesto.

Barska ekipa je nastupila u sastavu: Muradija Ibrahimović, Veselin Joketić, Marija Božović i Mitar Đukanović. U konkurenciji slijepih igrača B1, na stazi I, Muradija Ibrahimović osvojila je drugo mjesto, dok je na stazi II, Veselin Joketić zauzeo prvo mjesto.

Na turniru kojeg je organizovalo Medobčinsko društvo slijepih i slabovidih Kopar,  učestvovalo je osam ekipa iz Srbije, Crne Gore, Bosne i Hercegovine, Hrvatske i Slovenije.