Nekoliko Barana se udružilo, izradilo i postavilo nadgrobnu ploču velikom crnogorskom slikaru Urošu Toškoviću, dugogodišnjem stanovniku našeg grada.

Još od smrti, marta 2019, grobno mjesto u Lijevoj Rijeci poznatog majstora likovne umjetnosti bilo je bez nadgrobne ploče.

Na inicijativu Jovana Joca Radovića i uz organizaciju Mirka Bujišića, od juče je na mjestu gdje je sahranjen Uroš crna mermerna ploča sa odgovarajućim citatom: “Zašto bih nekom poklonio jasnoću? Neka je sam traži… Nisam bio ničiji rob. Ja sam samo rob umjetnosti… Sve što sam postigao dugujem ratu, gladu i svojoj genijalnosti”.

Donatori mermerne nadgrobne ploče su barski kamenoresci, braća Slobo i Željko Mališić.