Na IX Međunarodnom turniru u govornom pikadu koji je održan juče u Kopru, pikado ekipa Sportsko-rekreativnog društva OSI „Bar“ osvojila je treće mjesto.

Ekipa je nastupila u sastavu: Veselin Joketić, Muradija Ibrahimović, Marija Božović i Miroslav Savović.

U konkurenciji slijepih igrača B1 na stazi 2, Muradija Ibrahimović osvojila je prvo mjesto, dok je Miroslav Savović u kategoriji slabovidih igrača B2 na stazi 4, osvojio treće mjesto.

Na turniru kojeg je organizovalo Medobčinsko društvo slijepih i slabovidih Kopar,  učestvovalo je osam ekipa iz Srbije, Crne Gore, Bosne i Hercegovine, Hrvatske i Slovenije.