Ekipe Službe zaštite cijelu noć su gasile požar koji je juče izbio na Volujici. Njihovi napori urodili su plodom, jer su uspjeli da stave pod kontrolu dio koji se primicao kućama.

“Vatra koja je zahvatila preko 15 hektara prijetila je da ugrozi obližnje kuće. Uspjeli smo da požar ‘odvučemo’ prema brdu. Cijelu noć smo proveli na terenu. Uspjeli smo da obezbijedimo dio prema Zaljevu. Sada je u toku zamjena ljudstva, a u toku dana očekujemo pomoć iz vazduha“ kazao je za Radio Bar i Bar Info Aco Vulević, komandir Službe zaštite i spašavanja.

U gašenju požara sinoć su im pomagale kolege iz Ulcinja i Petrovca.

Požar na Volujici, u blizini kamenoloma, izbio je juče popodne.