U Ðenoviċima je tokom vikenda održano Državno prvenstvo za juniore-U-21 takmičenje, štapom iz barke 1 krug, u organizaciji KSR Bokeška jedra 1999. Iz dva  barska kluba bilo je 7 takmičara, 4 iz RSK Rumija i 3 iz KSR Pristan.

Upornost ovih mladih momaka koji su tokom ljeta svakodnevno izlazili  sami barkom na more i vježbali je nešto što je na ovom takmičanju krunisano njihovim  lijepim uspjehom, što članove dva kluba posebno raduje.

Kako navode, razlog za radovanje je poseban jer su prva 4 mjesta osvojili momci iz ova dva kluba i to:
1 mjesto Luka Pekiċ RSK Rumija
2 mjesto Dušan Milićević KSR Pristan
3 mjesto Filip Junkoviċ RSK Rumija
4 mjesto Konstantin Žarković

Solidan  plasman su ostvarili
Aleksandar Sotiroski RSK Rumija (19 mjesto), Andrej Peruniċić KSR Rumija (20 mjesto) i Luka Krivokapić RSK Rumija (22 mjesto).

“Rezultati govore sve o uspjehu ovih mladih takmičara. Bravo za momke, svi smo ponosni, ostanite uzor onima koji žele sa vama nastaviti ovaj uspješan put. Vaše vrijeme dolazi, svi smo uz vas da vas podržimo i damo dodatnu motivaciju u čemu nam pored članova kluba mnogo pomažu vaši roditelji. Na kraju bih istakao i srdačan prijem i dobru organizaciju domaćina takmičenja” kazao je Branko Pržica, predsjednik RSK Rumija.