NVO “Orijent” je i ove godine obradovala školarce. Članovi ove organizacije su od 1. do 15. septembra podijelili 50 vaučera od po 30 eura za djecu školskog uzrasta.

Podjela je vršena za porodice slabijeg materijalnog stanja. Osim toga, NVO “Orijent” je, u saradnji sa Ženama Bara i Centrom za socijalni rad, jedan dio vaučera podijelio njihovim korisnicima. “Hvala svim donatorima i knjižari ‘Miral’ koja je, i pored velikih popusta, i sama novčano učestvovala u akciji”, istakli su iz “Orijenta”.

Ova nevladina organizacija u narednom periodu priprema akciju dijeljenja drva za ogrijev za porodice koje su u potrebi.