Noć koja je iza nas bila je izuzetno teška, Barani i turisti su jedva dolazili do daha. Na gradskom korzu, kod stadiona, negdje oko ponoći, vlaga je bila tolika da se stvorila izmaglica kroz koju se naziralo šetalište. Jedan od prodavaca sa obiližnjih štandova se žalio kako sa tendi kaplje od vlage, a muzičari su krajnjim naporom svoje svirke privodili kraju, često mijenjajući majice i štimujući instrumente jer su se žice konstantno opuštale.

Prema podacima iz Hidrometeorološke stanice Bar, u to doba relativna vlažnost bila je 88%, a temperatura vazduha 27 stepeni.

Negdje poslije dva sata je dunuo lagani sjever, pa je količina vlažnosti smanjena, ali nije bilo rashlađenja.