Naša mala sugrađanka, trogodišnja Belma Cikotić rođena je zatvorenog jednjaka, koji joj je drugog dana po rođenju operisan. U nemogućnosti da veliku nuždu vrši na normalan način, ona je to radila preko kanala za mokrenje.
Doktori su krajem prošle godine operacijom postavili kesicu na njen stomak, dok ne ode u Beograd, gdje bi 10. februara trebala da ima još dvije operacije.
Ova djevojčica živi sa samohranom majkom, ujakom i babom koja je teško bolesna, od 106 eura mjesečno.
Osim novčane pomoći za liječenje, ovoj četvoročlanoj porodici potrebne su i pelene za Belmu, ali i osnovne životne namirnice, poput mlijeka i jaja.
Kako bi pomogle ovoj trogodišnjoj djevojčici i njenoj porodici, nekoliko naših sugrađanki je organizovalo humanitarne licitacije.
Pomozimo Belmi da raste zdravo i da ode na potrebne operacije koje je očekuju u Beogradu.
Svi koji mogu i žele da pomognu, donacije mogu predati u Narodnu kuhinju ili uplatiti na žiro račun NVU Žene Bara 565-3443-40 sa naznakom „Za Belmu“ kod Lovćen banke.
