Na gat dva Port of Adria danas je pristao američki vojni brod „USNS Medgar Evers“.
Brod će, kako je najavljeno, u Baru biti do 13. oktobra.
Prema dostupnim podacima, “USNS Medgar Evers” (T-AKE-13) je teretni i dopunski brod Ratne mornarice Sjedinjenih Američkih Država. Pripada klasi brodova za suvi teret i municiju tipa Lewis and Clark. Služi za snabdijevanje ratnih i savezničkih brodova na otvorenom moru. Dostavlja municiju, hranu, pitku vodu, rezervne djelove, kao i dizel i mlazno gorivo. Dugačak je oko 210 metara, a širok 32,2 metra.
Ime je dobio po Medgaru Eversu (1925–1963), čuvenom aktivisti za građanska prava u SAD i veteranu iz Drugog svjetskog rata. Brod obično kombinuje civilne pomorce i pripadnike mornarice koji upravljaju helikopterskim odredima za vertikalno popunjavanje zaliha.