Pobjeda omladinaca, remi kadeta i poraz pionira učinak je mlađih selekcija Mornara na utakmicama koje su se odigrale ovog vikenda.

Omladinci su savladali Rudar u Pljevljima rezultatom 3:0.

Golove za Barane postigli su Bogić Milošević u 39, Ratko Kovačević u 53. i Teodor Tomašević u 76. minutu utakmice.

Mornar je sada preskočio Rudar na 10. poziciji tabele Druge omladinske lige, sa 10 osvojenih bodova.

Kadeti Mornara su u derbiju 13. kola Druge kadetske lige na Starom aerodromu odigrali neriješeno bez golova protiv ekipe Titograda.

Barani su četvrti na tabeli sa 27 bodova, bod iza današnjeg rivala, a četiri iza vodećih Berana i Budućnosti 2.

Pioniri su poraženi na teškom gostovanju ekipi Budućnosti rezultatom 5:1.

Mornar je savršeno ušao u utakmicu, golom Tarika Tošića već u prvom minutu, ali su domaći izjednačili već u devetom, golom Maksima Novakovića. Strahinja Čolević je u 27. minutu donio prednost domaćima, a pred sami istek prvog dijela igre, u 40. minutu, pogodio je Ognjen Rašović za 3:1.

Isti igrač je u 64. minutu pogodio za 4:1, dok je konačan rezultat postavio Kosta Vešović u drugom minutu nadoknade.

Mornar se nalazi na diobi četvrte pozicije tabele Pionirske lige sa 19 bodova, koliko ima i ekipa Sutjeske. Budućnost je maksimalna sa 10 pobjeda iz 10 utakmica.

Narednog vikenda sve tri selekcije igraće svoje utakmice u Baru: omladinci protiv Zete, kadeti protiv Jezera, a pioniri protiv OFK Berana.