Na barskoj pijaci jutros je mali broj kupaca. Otvoren je samo jedan ulaz, a ni sve tezge ne rade. Prodavci nose rukavice, poneko i rukavice i masku. Nakon objave o pojavi Covida 19 u Crnoj Gori primjetan je osjetno veći oprez. Cijene su nešto više nego ranijih dana.

Slično je i u mesarama, gdje se poštuje pravilo distance od dva metra. Najviše se trguje piletina.

Ni samoposluge u Baru jutros nisu pretrpane, a u “Idei”, u Makedonskom naselju, postavljena je zuta linija koja označava tu distancu.

I apoteke su bez gužvi, uz poštovanje pravila. Tokom jučerašnjeg dana, međutim, u pojedinim apotekama, zaposleni nisu nosili maske, jer ih, kako kažu, ni sami nemaju, niti u prodaji ima dezinfekcionih sredstava, poput maramica, gelova, alkohola.