Posljednjih dana Žene Bara imale su pune ruke posla. Spremile su pakete pomoći sa osnovnim životnim namirnicama, hemiju i meso za čak 91 porodicu.
“Obezbijedili smo naše korisnike za period od dvije nedjelje. Neke pakete smo čak lično nosile korisnicima, jer imamo stare, nemoćne ljude i invalide koji nisu u mogućnosti da dođu po njih.
Sada mirne duše možemo otići na odmor i posvetiti malo vremena, kako našim porodicama, tako i sebi. Treba nam predah kako bi napunile baterije i krenule u nove pobjede.
Sve ovo bilo bi nemoguće odraditi da nemamo podršku svih humanih ljudi koji vide svrhu našeg postojanja i podržavaju naš rad na razne načine. Ovom prilikom se svima zahvaljujemo od srca”, istakle su Žene Bara.
